بھارت کی کارکردگی بھی نمایاں رہی، جس نے 21 گولڈ، 27 سلور اور 37 کانسی کے تمغوں سمیت 85 میڈلز حاصل کیے اور چوتھے نمبر پر رہا ، بھارتی ویمنز ہاکی ٹیم نے فائنل میں چین کو ایک صفر سے ہرا کر 44 سال بعد ایشین گیمز کا طلائی تمغہ جیتا۔
پاکستان کی کارکردگی
پاکستان دو چاندی اور آٹھ کانسی کے تمغوں، یعنی مجموعی طور پر 10 میڈلز کے ساتھ میڈلز ٹیبل پر 29ویں نمبر پر ہے جبکہ سونے کا کوئی تمغہ حاصل نہیں کرپایا ، پاکستان کے لیے ایک اہم مقابلہ مردوں کے کرکٹ فائنل کا تھا، جس میں بھارت نے پاکستان کو 19 رنز سے شکست دے کر ایشین گیمز کا ٹائٹل برقرار رکھا۔
یہ کارکردگی ایشین گیمز میں پاکستان کی تاریخی کامیابیوں کے مقابلے میں کافی کم ہے ، ایشین گیمز کی مجموعی تاریخ میں پاکستان 44 گولڈ، 65 سلور اور 101 کانسی کے تمغوں سمیت 210 میڈلز جیت چکا ہے۔
ایشین گیمزکا آغاز 19 ستمبر کو ہوا اور آج 4 اکتوبر کو اختتام پذیر ہو رہے ہیں ، ایچی پریفیکچر اور ناگویا میں ہونے والے اس ایونٹ میں 43 کھیلوں کے 469 مقابلے شامل تھے۔ ماضی میں چین ہر ایشین گیمز میں پہلی پوزیشن حاصل کرتا آیا ہے، جبکہ 2023 کے ہانگژو ایڈیشن میں اس نے 201 گولڈ سمیت 383 تمغے جیتے تھے۔
By 
