مینز انڈر 19 ایشیا کپ 2026ء کے شیڈول کا اعلان کر دیا گیا ہے، جس کے مطابق پچاس اوورز کا انڈر 19 ایشیا کپ 5 نومبر سے عمان میں کھیلا جائے گا۔
تفصیلات کے مطابق ٹورنامنٹ میں ایشیا کی انڈر 19 ٹیمیں ایک دوسرے کے مدمقابل ہوں گی، جبکہ کرکٹ شائقین کی نظریں پاکستان اور بھارت کے درمیان ہونے والے اہم مقابلے پر مرکوز ہیں۔
شیڈول کے مطابق انڈر 19 ایشیا کپ کے سیمی فائنلز 12 نومبر کو کھیلے جائیں گے، جبکہ ٹورنامنٹ کا فائنل 14 نومبر کو ہوگا۔ ایونٹ میں پاکستان انڈر 19 ٹیم کو گروپ اے میں رکھا گیا ہے، جہاں قومی ٹیم کا مقابلہ بھارت، متحدہ عرب امارات (یو اے ای) اور نیپال کی انڈر 19 ٹیموں سے ہوگا۔
پاکستان کا گروپ
گروپ اے میں پاکستان کے ساتھ بھارت، متحدہ عرب امارات اور نیپال کی ٹیمیں شامل ہیں ، پاکستان انڈر 19 ٹیم ٹورنامنٹ میں اپنا پہلا میچ 6 نومبر کو متحدہ عرب امارات کے خلاف کھیلے گی۔
پاکستان ٹیم کا دوسرا میچ 8 نومبر کو روایتی حریف بھارت کے خلاف ہوگا ، پاک بھارت مقابلہ ٹورنامنٹ کے اہم میچز میں شامل ہوگا، جس کا شائقین کرکٹ کو انتہائی بے تابی سے انتظار رہے گا۔
قومی انڈر 19 ٹیم گروپ مرحلے کا اپنا تیسرا اور آخری میچ 10 نومبر کو نیپال کے خلاف کھیلے گی ، گروپ مرحلے میں کارکردگی کی بنیاد پر ٹیمیں سیمی فائنل مرحلے میں جگہ بنائیں گی۔
گروپ بی میں کون سی ٹیمیں شامل؟
انڈر 19 ایشیا کپ کے گروپ بی میں بنگلادیش، سری لنکا، افغانستان اور ملائیشیا کی انڈر 19 ٹیمیں شامل ہیں ، دونوں گروپس کی ٹیمیں ٹورنامنٹ کے ابتدائی مرحلے میں ایک دوسرے کے خلاف مقابلے کریں گی۔
شیڈول کے مطابق سیمی فائنلز 12 نومبر کو کھیلے جائیں گے، جبکہ ایشیا کپ کا فیصلہ کن معرکہ 14 نومبر کو ہوگا۔
پاکستان انڈر 19 ٹیم کی نظریں گروپ مرحلے میں بہتر کارکردگی دکھا کر سیمی فائنل میں جگہ بنانے اور پھر فائنل تک رسائی حاصل کرنے پر ہوں گی۔
یوں 5 نومبر سے شروع ہونے والا انڈر 19 ایشیا کپ 14 نومبر کو فائنل کے ساتھ اختتام پذیر ہوگا، جبکہ 8 نومبر کا پاک بھارت مقابلہ ٹورنامنٹ کے سب سے زیادہ توجہ حاصل کرنے والے میچز میں شامل ہوگا۔
By 
