وسیم اکرم اب ڈراموں میں بھی نظر آئیں گے، ماہ نور بلوچ کے ساتھ نئی انٹری

پاکستان کرکٹ ٹیم کے سابق کپتان اور مایہ ناز فاسٹ بولر وسیم اکرم جلد ٹیلی ویژن اسکرین پر اداکاری کے جوہر دکھاتے نظر آ سکتے ہیں۔ اطلاعات کے مطابق وہ ایک نئے ڈرامے میں معروف اداکارہ ماہ نور بلوچ کے ساتھ مرکزی کردار ادا کریں گے۔

ڈرامے کے ہدایت کار فہیم برنی نے سوشل میڈیا پر اس حوالے سے معلومات شیئر کی ہیں، جس کے بعد وسیم اکرم کی اداکاری سے متعلق خبر تیزی سے زیر بحث آ گئی۔

ڈرامے کی تیاری جاری

رپورٹس کے مطابق ڈرامہ ابھی تیاری کے ابتدائی مرحلے میں ہے، جبکہ پروڈیوسرز دیگر فنکاروں کی کاسٹنگ کے حوالے سے بات چیت کر رہے ہیں۔ تاہم ڈرامے کی کہانی، نام اور نشر ہونے کی تاریخ سے متعلق مزید تفصیلات تاحال سامنے نہیں آئیں۔

یہ بھی پڑھیں:فلموں کے ایکشن ہیرو جیکی چن اب باسکٹ بال کورٹ میں بھی چھا گئے

سوشل میڈیا پر ملا جلا ردعمل

وسیم اکرم کے اداکاری کے میدان میں قدم رکھنے کی خبروں پر سوشل میڈیا صارفین کی جانب سے مختلف ردعمل سامنے آ رہے ہیں۔ بعض صارفین اس نئے تجربے کو دلچسپ قرار دے رہے ہیں، جبکہ کچھ لوگ یہ دیکھنے کے منتظر ہیں کہ کرکٹ کے میدان میں اپنی صلاحیتوں کا لوہا منوانے والے وسیم اکرم اداکاری میں کس طرح نظر آتے ہیں۔ اب شائقین کو ڈرامے کی باضابطہ تفصیلات اور وسیم اکرم کے کردار کی تصدیق کا انتظار ہے۔