ایشیز سیریز : پہلے ٹیسٹ سے قبل آسٹریلیا کو بڑا دھچکا ، اہم کھلاڑی باہر

انگلینڈ کے خلاف ایشیز سیریز کے پہلے ٹیسٹ سے قبل آسٹریلوی ٹیم کو پیٹ کمنز اور شین ایبٹ کے بعد ایک اور دھچکا لگ گیا۔

کرکٹ آسٹریلیا کے مطابق  آسٹریلوی فاسٹ بولر جوش ہیزل ووڈ ہیم اسٹرنگ اسٹرین انجری کا شکار ہوکر پہلے ٹیسٹ سے باہر ہوگئے ہیں۔

اس حوالے سے کرکٹ آسٹریلیا کا کہنا ہے کہ مائیکل نیسر کوپہلے ٹیسٹ کے لیے اسکواڈ میں شامل کرلیا گیا ہے۔

مزید پڑھیں: بابر اعظم نے سعید انور کا ریکارڈ برابر کردیا

شین ایبٹ پہلےہی ہیم اسٹرنگ اسٹرین کے باعث ٹیم سے باہر ہوچکے ہیں جبکہ پیٹ کمنز بھی کمر کی تکلیف کی وجہ سے پہلے ٹیسٹ کے لیے دستیاب نہیں۔

واضح رہے کہ آسٹریلیا اور انگلینڈکی ٹیموں کے درمیان ایشیز سیریز کا پہلا ٹیسٹ21 نومبر کو پرتھ میں شروع ہوگا۔

دوسرا ٹیسٹ 4 دسمبر کو گابا میں ، تیسرا ٹیسٹ 17 دسمبر کو اوول، چوتھا ٹیسٹ 26 دسمبر کو میلبرن اور آخری ٹیسٹ میچ 4 جنوری کو سڈنی میں شیڈول ہے.