نئے سال کے آغاز کے ساتھ ہی امریکا میں امیگریشن سے متعلق نئے قوانین کا اطلاق ہوگیا ہے ۔
امریکی شہریت اور امیگریشن کے ذمہ دار ادارے (USCIS) کے مطابق ان اقدامات کا مقصد قومی سلامتی کو مضبوط بنانا اور عوام کے تحفظ کو یقینی بنانا ہے۔
ان نئے ضوابط کے تحت 19 ممالک سے تعلق رکھنے والے گرین کارڈ ہولڈرز کے لیے سیکیورٹی جانچ کے عمل کو مزید سخت کر دیا گیا ہے، جس میں پس منظر کی جانچ، سفری ریکارڈ اور دیگر معلومات شامل ہیں۔
حکام کے مطابق افغانستان، ایران، یمن اور صومالیہ سمیت 12 ممالک کے شہریوں کے امریکا میں داخلے پر مکمل پابندی عائد کر دی گئی ہے۔ اس پابندی کے تحت ان ممالک کے شہریوں کو نئے ویزے جاری نہیں کیے جائیں گے اور امریکا میں داخلے کی اجازت بھی محدود کر دی گئی ہے، تاہم کچھ مخصوص انسانی ہمدردی کے کیسز اور قانونی استثنیٰ ممکن ہوں گے۔
اس کے علاوہ 7 مزید ممالک کے شہریوں پر جزوی سفری پابندیاں نافذ کی گئی ہیں، جن کے تحت مخصوص ویزا کیٹیگریز، عارضی قیام اور خاندان جیسے معاملات میں سخت جانچ پڑتال کی جائے گی۔
امریکی امیگریشن حکام کا کہنا ہے کہ یہ فیصلے خطرات کے تجزیے اور سیکیورٹی خدشات کی بنیاد پر کیے گئے ہیں، ادارے کے مطابق دنیا بھر میں بدلتی ہوئی سلامتی کی صورتحال کے پیش نظر امیگریشن نظام کو جدید تقاضوں سے ہم آہنگ کرنا ناگزیر ہو چکا تھا۔
By 
