ملکی مفادات اور عوام کے حقوق کا ہر صورت تحفظ کرینگے ،ایرانی صدر

ایران کے صدر مسعود پزشکیان نے کہا ہے کہ ایران کے مفادات اور عوام کے تحفظ کو ہر صورت یقینی بنایا جائے گا اور کسی بھی صورت میں قومی سلامتی پر سمجھوتہ نہیں کیا جائے گا۔

سرکاری میڈیا اور رپورٹس کے مطابق ایرانی صدر نے اپنے حالیہ بیان میں کہا کہ ملک کو درپیش اندرونی و بیرونی چیلنجز کے باوجود حکومت عوامی فلاح و بہبود اور قومی مفادات کے تحفظ کیلئے پرعزم ہے۔ ان کا کہنا تھا کہ ایران اپنی خودمختاری، سرحدوں اور عوام کے تحفظ کیلئے ہر ممکن اقدامات جاری رکھے گا۔

 یہ بھی پڑھیں :ہم مسلمان پہلے ہی اللہ کے سامنے سرجھکا چکے، اب کوئی اور ہمیں جھکا نہیں سکتا، ایرانی صدر

صدر مسعود پزشکیان نے کہا کہ حکومت کی اولین ترجیح عوام کی سلامتی اور معاشی استحکام ہے اور اس مقصد کیلئے تمام ریاستی ادارے مربوط حکمت عملی کے تحت کام کر رہے ہیں۔ انہوں نے واضح کیا کہ خطے کی موجودہ صورتحال میں ایران محتاط مگر مضبوط پالیسی کے ساتھ آگے بڑھ رہا ہے۔

 یہ بھی پڑھیں :محسن نقوی کی ایرانی صدر سے اہم ملاقات، دوطرفہ تعلقات اور خطے کی صورتحال پر تفصیلی گفتگو

انہوں نے مزید کہا کہ ملک کو درپیش دباؤ اور مشکلات کے باوجود ایرانی قوم نے ہمیشہ استقامت کا مظاہرہ کیا ہے اور حکومت عوامی اعتماد کو مزید مضبوط بنانے کیلئے اصلاحات اور پالیسی اقدامات جاری رکھے گی۔