کوہاٹ تھانہ کینٹ پولیس کی بڑی کارروائی، بھاری مقدار میں اسلحہ برآمد، ملزم گرفتار

ڈسٹرکٹ پولیس آفیسر کوہاٹ شہباز الٰہی کی ہدایت پر جرائم پیشہ عناصر کے خلاف جاری کارروائیوں کے سلسلے میں تھانہ کینٹ پولیس نے اہم کامیابی حاصل کرتے ہوئے بھاری مقدار میں اسلحہ برآمد کر کے ایک ملزم کو گرفتار کر لیا۔

ایس ایچ او تھانہ کینٹ عرفان خان نے پولیس نفری کے ہمراہ کاغزئی چیک پوسٹ پر ناکہ بندی کے دوران ایک مسافر کوچ کو روک کر تلاشی لی۔ دورانِ تلاشی کوچ میں موجود بیگوں اور بوریوں کی جانچ پڑتال کے دوران بھاری مقدار میں اسلحہ برآمد ہوا۔

 یہ بھی پڑھیں :کوہاٹ میں بڑا آپریشن‘، سی ٹی ڈی اور پولیس کی کارروائی میں 6 دہشتگرد ہلاک

برآمد ہونے والے اسلحے میں ایک عدد راکٹ لانچر گن، 22 عدد ہینڈ گرنیڈ، ایک عدد بوسٹر اور 37 عدد مارٹر راونڈ شامل ہیں۔پولیس نے موقع پر ملزم مومن خان، سکنہ افغانستان کو گرفتار کر لیا۔ ابتدائی تفتیش کے مطابق ملزم یہ اسلحہ ہنگو سے درہ آدم خیل منتقل کر رہا تھا۔

 یہ بھی پڑھیں کرک اور کوہاٹ میں پولیس کارروائیوں کے دوران 4دہشتگرد ہلاک

پولیس نے ملزم کے خلاف مقدمہ درج کر کے مزید تفتیش شروع کر دی ہے۔