By پاکستان بار کونسل نے نئے صوبوں کے قیام سے متعلق قرارداد منظور کرتے ہوئے مطالبہ کیا ہے کہ ملک میں نئے صوبوں کے قیام کا معاملہ آئین کے مطابق طے کیا جائے۔
پاکستان بار کونسل کی جانب سے منظور کی گئی قرارداد میں کہا گیا ہے کہ نئے صوبوں کے قیام جیسے اہم قومی معاملے پر آئینی تقاضوں اور قومی مفاد کو مدنظر رکھتے ہوئے فیصلہ کیا جانا چاہیے۔
پاکستان بار کونسل نے نئے صوبوں کے قیام کے معاملے پر تمام سیاسی جماعتوں اور بار ایسوسی ایشنز کو شامل کرتے ہوئے قومی سیمینار منعقد کرنے کی قرارداد بھی منظور کی ہے۔
قومی سیمینار میں ملک میں نئے صوبوں کے قیام کے مختلف پہلوؤں پر غور کیا جائے گا جبکہ سیاسی جماعتوں اور وکلا برادری کی آرا بھی سامنے لائی جائیں گی۔
پاکستان بار کونسل نے تمام سیاسی جماعتوں پر زور دیا ہے کہ نئے صوبوں کے قیام کے معاملے پر قومی مفاد کو پیش نظر رکھتے ہوئے غور کیا جائے۔
بار کونسل کے مطابق نئے صوبوں سے متعلق کوئی بھی فیصلہ آئین میں طے شدہ طریقہ کار کے مطابق ہونا چاہیے۔ اس معاملے پر سیاسی اتفاق رائے پیدا کرنے اور وسیع مشاورت کی ضرورت ہے۔
پاکستان بار کونسل کی قرارداد کو ملک میں انتظامی ڈھانچے اور نئے صوبوں کے قیام سے متعلق جاری بحث میں اہم پیش رفت قرار دیا جا رہا ہے۔
