سوات اور گرد ونواح میں شدید زلزلہ ،خوف وہراس ، شہری گھروں سے نکل آئے

سوات میں زلزلے کے شدید جھٹکوں سے شہریوں میں خوف و ہراس پھیل گیا اور لوگ گھروں سے باہر نکل آئے۔ زلزلے کے جھٹکے محسوس ہوتے ہی شہریوں میں تشویش کی لہر دوڑ گئی۔

زلزلہ پیما مرکز کے مطابق زلزلے کی شدت ریکٹر اسکیل پر 5 ریکارڈ کی گئی جبکہ زلزلے کی گہرائی 224 کلومیٹر تھی۔

زلزلے کے جھٹکے سوات کے علاوہ خیبر پختونخوا کے مختلف علاقوں میں بھی محسوس کیے گئے۔ شہریوں نے جھٹکے محسوس ہونے کے بعد گھروں اور عمارتوں سے باہر نکل کر کھلے مقامات کا رخ کیا۔

ابتدائی اطلاعات کے مطابق بٹگرام، مانسہرہ، ایبٹ آباد، مہمند، مردان، نوشہرہ اور کوہاٹ سمیت مختلف علاقوں میں بھی زلزلے کے جھٹکے محسوس کیے گئے۔

 یہ بھی پڑھیں :ملک کے مختلف علاقوں میں زلزلہ، شدت کتنی ریکارڈ ہوئی؟

شانگلہ، بونیر، مالاکنڈ اور دیگر علاقوں سے بھی زلزلے کے جھٹکے محسوس ہونے کی اطلاعات سامنے آئی ہیں۔

 زلزلے کے اچانک جھٹکوں کے باعث شہری گھبرا کر گھروں سے باہر نکل آئے۔ بعض علاقوں میں لوگ کافی دیر تک کھلے مقامات پر موجود رہے۔

ابتدائی طور پر زلزلے کے نتیجے میں کسی جانی یا مالی نقصان کی اطلاع سامنے نہیں آئی۔ متعلقہ اداروں کی جانب سے صورتحال کا جائزہ لیا جا رہا ہے۔

 یہ بھی پڑھیں :گلگت بلتستان میں 5.4 شدت کا زلزلہ ، لینڈ سلائیڈنگ سے راستے بند

زلزلے کے بعد شہریوں میں ممکنہ آفٹر شاکس کے حوالے سے بھی تشویش پائی جاتی ہے۔ شہریوں کو کسی بھی ہنگامی صورتحال میں احتیاطی تدابیر اختیار کرنے کی ہدایت کی گئی ہے۔

حکام کی جانب سے زلزلے کے ممکنہ اثرات اور نقصانات سے متعلق مزید معلومات جمع کی جا رہی ہیں۔