عالمی منڈی میں تیل کی قیمتیں کب کم ہوں گی؟ ٹرمپ کا بڑا دعویٰ

امریکی صدر ڈونلڈ ٹرمپ نے کہا ہے کہ دنیا میں تیل کی قیمتیں جلد کم ہوجائیں گی۔

وائٹ ہاؤس میں گفتگو کرتے ہوئے ٹرمپ نے امریکی معیشت اور مالیاتی صورتحال پر بھی اپنے خیالات کا اظہار کیا۔

انہوں نے دعویٰ کیا کہ امریکی اسٹاک مارکیٹ روزانہ نئے ریکارڈ قائم کر رہی ہے۔

 یہ بھی پڑھیں :وینزویلا پر کنٹرول، ایران کی پسپائی، مہم میں ڈونلڈ ٹرمپ کے سنسنی خیز دعوے، ووٹرز کے لیے بڑا اعلان

ٹرمپ کے مطابق امریکی ڈالر پہلے سے زیادہ مضبوط ہے اور امریکا کی معیشت ماضی کے مقابلے میں اس وقت بہتر ہے۔

جنگیں رکوانے کا دعویٰ

ڈونلڈ ٹرمپ نے کہا کہ انہوں نے دنیا میں آٹھ جنگیں ختم کرائیں۔

امریکی صدر نے دعویٰ کیا کہ انہوں نے بہت بڑی جنگیں رکوانے میں کردار ادا کیا۔

ان کے مطابق ان اقدامات سے کروڑوں لوگوں کی جانیں بچائی گئیں۔

ٹرمپ نے یہ بھی دعویٰ کیا کہ کئی جنگیں ٹیرف کی مدد سے رکوانے میں کامیابی حاصل ہوئی۔

انہوں نے کہا کہ آٹھ جنگیں رکوانے پر وہ نوبیل انعام کے حقدار تھے۔

نوبیل انعام کا ذکر

امریکی صدر نے کہا کہ تاریخ میں کسی صدر نے اتنی جنگیں نہیں رکوا ئیں جتنی ان کے مطابق انہوں نے رکوانے میں کردار ادا کیا۔

ٹرمپ نے یرغمالیوں کی رہائی کا حوالہ دیتے ہوئے کہا کہ ان کی وجہ سے یہ رہائیاں ممکن ہوئیں۔

انہوں نے ایران کے حوالے سے بھی اپنا دعویٰ دہرایا۔

ٹرمپ نے کہا کہ انہوں نے ایران کو جوہری ہتھیار حاصل کرنے سے روکا۔

تیل کی قیمتوں پر بیان

امریکی صدر نے عالمی توانائی مارکیٹ کے حوالے سے بھی اہم دعویٰ کیا۔

ڈونلڈ ٹرمپ نے کہا کہ دنیا میں تیل کی قیمتیں جلد کم ہوجائیں گی۔

 یہ بھی پڑھیں :ٹرمپ کی مذاکرات کی پیشکش،ایرانی صدر مسعود پزشکیان نے بڑا دعوی کر دیا

تاہم انہوں نے اپنے بیان میں تیل کی قیمتوں میں متوقع کمی کی کوئی مخصوص مقدار یا وقت نہیں بتایا۔

ان کا بیان ایسے وقت میں سامنے آیا ہے جب عالمی سطح پر تیل کی قیمتیں کئی عوامل کے باعث توجہ کا مرکز بنی ہوئی ہیں۔

ٹرمپ نے گفتگو کے دوران امریکی معیشت، جنگوں، یرغمالیوں اور ایران کے جوہری پروگرام سمیت مختلف معاملات پر اپنے مؤقف کا اظہار کیا۔