پاکستان اسٹاک ایکسچینج میں تیزی ،2009 پوائنٹس کا اضافہ

پاکستان اسٹاک ایکسچینج (پی ایس ایکس) میں کاروباری ہفتے کے چوتھے روز تیزی ریکارڈ کی جارہی ہے۔

کاروبار کے دوران بازار حصص کے 100 انڈیکس میں 2009 پوائنٹس کا اضافہ ریکارڈ کیا گیا، جس کے بعد 100 انڈیکس ایک لاکھ 60 ہزار 193 پر آگیا۔

آج اب تک کاروبار کے دوران 100 انڈیکس ایک لاکھ 58 ہزار 971 پوائنٹس کی نچلی سطح تک آیا جبکہ ایک لاکھ 60 ہزار 379 کی بلندی تک بھی گیا۔

یہ بھی پڑھیں:پاکستان اسٹاک ایکسچینج نےکاروبارشروع ہوتے ہی نئی تاریخ رقم کردی

واضح رہے کہ گزشتہ روز کاروبار کے اختتام پر 100 انڈیکس ایک لاکھ 58 ہزار 183 پوائنٹس پر بند ہوا تھا۔

دوسری جانب روپے کے مقابلے میں امریکی ڈالر میں معمولی کمی ریکارڈ کی گئی ، ایکسچینج کمپنیز ایسوسی ایشن کے مطابق انٹر بینک میں 2 پیسے کی کمی کے بعد ڈالر کی قیمت 280 روپے 75 پیسے ہو گئی۔

’پی ایس ایکس‘ کی تاریخی کارکردگی معاشی اشاریوں میں بہتری اور خاص طور پر بینکنگ سیکٹر کی مضبوط کارکردگی کے باعث سرمایہ کاروں کے اعتماد میں اضافے کی عکاسی کرتی ہے۔