سمندر کی دیو قامت مخلوق نیلی وہیل کو دنیا کا سب سے بڑا جانور سمجھا جاتا ہے اور اس کی جسامت کے بارے میں نئی تفصیلات نے سب کو حیران کر دیا ہے۔
ماہرین کے مطابق جب نیلی وہیل اپنا منہ پوری طرح کھولتی ہے تو اس کا حجم تقریباً 5 میٹر چوڑا، 4 میٹر اونچا اور 6 میٹر گہرا ہو جاتا ہے۔ اس حساب سے اس کے منہ کے اندر تقریباً 90 ہزار لیٹر تک جگہ موجود ہو سکتی ہے۔
حجم کے حساب سے اندازہ لگایا جائے تو ایک بالغ انسان تقریباً 70 لیٹر جگہ گھیرتا ہے، جس کا مطلب یہ ہے کہ بیک وقت تقریباً 100 افراد اس کے کھلے منہ میں سما سکتے ہیں۔
نیلی وہیل خوراک حاصل کرنے کے لیے “لنج فیڈنگ” کا استعمال کرتی ہے، جس میں یہ ایک ہی جھٹکے میں تقریباً 57 ہزار لیٹر پانی نگل لیتی ہے اور پھر اسے اپنے بیلین پلیٹس کے ذریعے فلٹر کر کے صرف چھوٹے جاندار جیسے کرِل کو اندر روک لیتی ہے۔
دلچسپ بات یہ ہے کہ اس کے اتنے بڑے منہ کے باوجود اس کی غذا کی نالی صرف تقریباً 10 سینٹی میٹر چوڑی ہوتی ہے، جس میں نہ تو انسان جا سکتا ہے اور نہ ہی بڑا پھل جیسے گریپ فروٹ۔
ماہرین کے مطابق نیلی وہیل قدرتی دنیا کے ان حیرت انگیز جانداروں میں سے ایک ہے جو اپنی جسامت اور خوراک کے طریقہ کار سے سائنس دانوں کو آج بھی حیران کر دیتی ہے۔
By 
